Makina Hemodialisa HNGV Funsiona ho Di’ak

Makina Hemodialisa, No Kardiologista Ospital Nasional Guido valadares ne’ebé agora dadaun iha Ospital Nasional Guido Valadares Funsiona ho di’ak no halo ona tramentu ba Pasientes ne’ebé hakarak atu fase raan. Observasaun husi jornalista MoH nota katak, Agora dadaun Makina ne’e utilize hela hodi halo tramentu ba pasientes sira .

Tuir fontes komfirmadu Ospital Nasional Guido valadares realsa katak lor-loron pasientes ne’ebé halo tramentu fase raan mais au menus nain rua ba leten no makina ne’e halo operasaun too kalan. Entretantu funsionariu sira ne’ebé hala’o knar iha fatin ne’ebé refere hamutuk nain sia, Sira sempre utilize sasan sira ne’e ho di’ak no iha linha kordenasaun di’ak ho staff husi Indonesia nian balun ne’ebé agora dadaun apoiu hela ba Makina ninia operasaun no Manutensaun.

Vice Ministra Saúde hafoin halo vijita ba Ospital Nasional Guido valadares ba jornalista sira hateten Mesmu Ospital hasoru problemas oi-oin maibe aktualmente la’o di’ak. Makina Hemodialisa ne’ebé agora dadaun iha Ospital komesan halo ninia funsaun hanesan bain-bain.

Sorin seluk wainhira kestiona konaba falta ambulansias hodi apoiu servisu iha Ospital no Servisu Saúde Distrital sira” Vice Ministra ne’e iha ninia intervensaun hateten.” Atu fasilita di’ak liu taan povu area rurais sira ba asesu Saúde Ministeriu Saúde rasik sei sosa taan Roo Ambulansia Ida hodi tulun tranferensia moras liu husi maritima no kareta Ambulansia 29”. Husi kareta 29 ne’e sanulu resin sia kareta ambulansia no sanulu ambulansia movel.
Hatan konaba Total orsamentu ne’ebé sei utilize hodi sosa ambulansia sira ne’e” Hanjam afirma katak total orsamentu hodi hola Ambulansia sira ne’e hamutuk U$. 900.00. Kuaze 1 milaun Dolares Amerikanu. MOH