Tuesday, February 22, 2011

Inkontru Konsellu Distrital De Saude SDS Manufahi No Estudantes Medisina

Manufahi saude-semanal,Vijita traballhu Ministru saude Nelson Martins ba Distritu Manufahi, Sub-Distritu Fatuberlihu no Alas la’os supervision no fiskaliza knar nain saude sira nia servisu deit, Maibe oinsa atu haklaken no habelar informasaun konaba diploma ministerial numeru III/2008.
Koalia konaba kompetensia husi director no xefe CHC sira oinsa bele rejolve no deside rasik prioridades sira ne’ebé komunidade infrenta. Inkontru ne’ebé lidera diretamente husi Dr. Nelson Martins ho profesionais saude sira iha sabadu semana kotuk mai ou menus 21.30 Otl kalan iha DHS Manufahi hetan partisipasaun masimu husi Direktor Saude Distritu Xefes CHC no profesionais saude sira balun.
“Kompetensia ka saida mak fo ona ba distritu sira tuir lolos sira iha kompetensia rasik, para garante asesu saude ba populasaun iha area ne’ebé mak fo ona ba sira, sem husu orientasaun ba taan iha leten neba sir abele deside rasik, Dalabarak seidauk implementa didiak nune’e ida hanesan responsabilidade hau nian atu bele hakbesik aan liu ba sira hodi klarifika diretamente konaba lei diploma ministerial ne’ebé dalabarak sira seidauk kompriende didiak” hatan Ministru saude iha intervista ba jornalista sira iha SDS manufahi.
Iha ne’e, Iha SDS Manufahi iha orgaun ida ne’ebé kapas teb-tebes, iha membru de konsellu saude distrital forte teb-tebes ne’ebé mak sei sai hanesa orgaun de konsulta ida ba Direktor saude Distritu. Konsulta fo pareser para nia bele foti desizaun saida deit hodi rejolve problema saude nia saida deit mak iha teritoriu same ne’e nia laran.
Dalabarak sira nunka lee lei ne’e halo didiak entaun sira sempre fo sala ba sentral maibe ho lei ida ne’ebé agora dadaun ne’e bele fo dalan ona ba servisu saude Distrital sira atu bele foti desizaun.
“ida ne’e hanesan primera ves vizita ministru nian hodi inkontru konaba lei diploma ministerial nian director saude ditrito Manufahi ba saude-semanal hateten durante ne’e sira rasik iha SDS manufahi foti ona desizaun balun liu husi konselu distrital de saude hodi atende ba problema ne’ebé afeta ba servisu saude nian iha baze nian. Nune’e sira mos agradese ho breafing ministru nian bele loke taan dalan hodi nune’e ami bele hare ba prioridades knar nain saude iha distritu no espesialmente atu atende saude komunidade.
Mais ou menus 21.44 Otl Dr. Nelson kontinua ekontru ho estudantes medisina no medikus timor oan balun ne’ebé remata ona sira nia estudus iha cuba ne’ebé agora dadaun halao sira nia knar iha SDS Manufahi.
Sorumutu ne’e atu rona diretamente problemas, Dezafius, no kondisoins ne’ebé agora dadaun knar nain saude sira infrenta iha Distritu ne’ebé refere tanba realidade hatudu katak iha CHC no HP balun ne’ebé la garante ba sira atu praktika ka servisu.
Hatan ba kestaun hirak ne’e ministru saude komfesa sei esforsu makas hodi kopera hamutuk ho ministerio edukasaun hodi rejolve problema ne’ebé refere iha tempu badak. Nune’e hafoin intervista komitiva ministru saude kontinua desloka ba Ospital Maubisse mais ou menus tuku 22.43 Otl MS001

3 comments:

Anonymous said...

Parabens ba Dr.Nelson, ho ita bo'ot nia esforsuan an tomak bele protege povo nebe moras iha dolok koak, foho leten no cidade hetan asistencia saude nebe hanesan ho programa SISCA. Nemak dhn lideranca nebe matenek hodi hamosu politika nebe contructivo ba beneficio geral.

Anonymous said...

Ne,e mak dehan juramento nebe realiza mak hanesan Dr.Nelson hatudu. Sai exemplo diak ba maluk hirak nebe tur hanesan leader. Hau konkotda ho atitude lideranca nebe Dr. Nelson hatudu. Viva Saude Semanal. Parabens mos ba Equipa Redasaun nebe servico makas hodi habelar informacao.

Anonymous said...

hau hakfodak Estudante Medisina espesial liu fali funsionariu sira nebe loron-kalan fo sira nia dedikasaun ba servisu governu nian agora dadaun.
sr. Ministru hau sujere keta Halo demais fali servisu Ministeriu Edukasaun nian. klaru katak estudante sira nee fini Ministeriu saude nian, maibe ita tenki hare mos area prioridade balun nebe presija tulun laos MdS Ho ME Tane estudante sira hanesan Liurai lalehan. Diak liu hatama sira iha katedral para sarani no povu sira hahi rame-rame.

Dotor sira nia prekupasaun mak prioridade karik diak ida nee kintu kantu sira nebe ema seluk sira nia diretu mos sai ita nia prekupasaun hotu hau hamnasa fali. (AVO LAFAEK)