Tuesday, December 20, 2011

INKONTRU KONSELLU ADMINISTRASAUN SERVISU SAÚDE DISTRITAL OEKUSSE “Oekusse sei Zero HIV/AIDS Lepra kontinua Mantein”


05 Dezembru 2011

Hafoin hala’o inkontru ho Konsellu Administrasaun Ospital Ministru Saúde kontinua hala’o inkontru ho Konsellu Administrasaun Servisu Saúde Distrital Oekusse.Prekupasoins barak mak knar nain Saúde sira hato’o ba Ministru Saúde mak hanesan falta rekursus Umanus, Ekipamentus Medikus no sel-seluktan.

Dadus moras lepra ne’ebé agora dadaun knar nain Saúde sira koleta iha Distritu Oekusse mak hamutuk 401 kazus.Ita bele dehan hanesan mos surtu ba moras Lepra.
23 Marsu 2011 Prezidente Republika Dr. Jose Ramos Horta Deklara moras lepra hanesan hanesan problema Saúde publiku iha Timor Leste iha salaun Ministeriu Negosiu Estrageiru Dili. Ida ne’e hanesan primeira ves iha timor leste no hareba prevalensia moras ne’e agora dadaun tuun ona.

eliminasaun lepra nudar problema Saúde publiku define hanesan tasa prevalensia menus husi 1/10.000 populasaun iha nivel nasional. Nune’e iha fin de dezembru 2010 timor-leste atinje eliminasaun ho 78 kazus lepra mak hala’o hela tratamentu no ninia taxa prevalensia 0.73/10.000 populasaun.

Hafoin rona prekupasaun husi funsionarius Saúde Distrital Oekusse Ministru Saúdehusu ba knar nain Saúde distiritu oekusse atu servisu makas, nune’e apelu mos ba entidades hotu atu servisu hamutuk hodi luta kontra moras ne’ebé refere. Husu ba servisu Saúde distrital Oekusse atu kolabora no kopera hamutuk ho entidades Nasaun nian, ONG National, International, Responsaveis reliziozas, Reponsaveis Sukus no sel-seluktan atu halo kampanha kontra moras ne’e.

Iha parte seluk Observasaun Geral nota katak buat hotu laodi’ak maibe presija kapasita funsionariu sira ne’ebé agora dadaun hala’o knar iha neba hodi nune’esirabele halo servisu di’ak liutan iha future oin maiMOH