Thursday, January 26, 2012

Lansamentu ba centru informasaun Saúde Reproduktiva Foinsa’e

MoH. 26 Janeiru 2012, semana nee ministeriu da saúde liu husi Direktor Geral Agapito da Silva soares halao lansamentu ba sala Centru Imformasaun saúde reproduktiva foinsa’e.  Iha centru saúde Becora.
Agapito iha ninia intervensaun hateten “Hau sente orgulhu tebes bele mai partisipa iha serimonia ida ne’e ho maluk sira hodi halo lansamentu ba centru  informasaun saúde repruduktiva foinsa’e iha centru saúde Becora ida nee”. Objektivo husi programa ida ne’e, la ses husi oinsa halo prevensaun isin rua cedu ne’ebé’e dalaruma la hakarak husi idade 15 to’o 19, ou la planeia iha foin sa’e sira nomos  prevene a’an husi moras hadaet  liu husi Relasaun Seksual (MHRS) no HIV.
DG nee mos salienta liutan katak “Ita foin mak halo pilotu ba programa ida ne’e iha centru Becora ho pesoal saúde ne’ebé treinadu ba programa ne’e. Ita nia pessoal  saúde nain rua ne’ebé toma konta ba areas refere, Durante ne’e sira simu ona visitantes foinsa’e ne’ebé mai visita centu informasaun hodi hetan  informasaun, Akonselamentu no tratamentu ba saúde reproduktiva. Ita nia sentru informasaun komesa hari’i iha Dezembru 2010 no hetan suporta husi agensia UNFPA.

Agapito mos realsa katak “ ho centru informasaun  ida ne’e bele hasa’e assesu ba informasaun  saúde reproduktiva  ho kualidade ne’ebé diak ba foinsa’e sira atu sira bele hetan konhesimento kona ba  saúde reproduktiva  hodi prevene sira nia a’an husi moras hada’et liu husi relasaun seksual  (MHRS/STI’s) HIV, isin rua sedu  ka isin rua ne’ebé la hakarak, No hasa’e foinsa’e sira nia abilidade hodi hadok a’an  husi risku  hirak ne’e hotu. Nomos pesoal saúde persiza iha attitude ne’ebé amigavel ba foinsa’e hodi fo’o informasaun, akonselamentu no atendementu ba sira ho konfidensialidade no privasidade.
Partisipa iha cermonia lansamentu nee mak Direktor Geral Ministeriu saude, Reprejentante Espesial UNFPA iha timor Leste, Country Direktor HIP (Health Improofment Project), Direktora Saude Distritu Dili, PNTL, Staff Ministeriu Saude balun, Komunidade nomos Media. MoH

2 comments:

Pablo (yo) said...

Great blog!!
If you like, come back and visit mine:
http://www.albumdeestampillas.blogspot.com
Thanks,
Pablo from Argentina.

Anonymous said...

OK bro I will be there...!!!