STRATEGIA NASIONAL TINAN 2011-2015
Ilustris konvidadus señoras i señores
Loron 22 Outubro 2010 ohin, Ministerio da saúde marka istoria no pasu foun ida iha Direcção Nacional Saúde Comunitária nia mahon; tamba Ita hotu hatene katak iha dekade barak nia laran tinan 476 hahu husi okupasaun Portuguesa, Japonese, Indonesia no Governasaun Nasões Unidas foin dala uluk Ministério da Saúde rasik lidera evento ne’e no hetan apoiu Teknikal Assisten husi Organizasaun Mundial da Saúde (OMS) Timor-Leste hodi bele halo Revisaun ba Estrategia Nasional Saúde Oral nebe AusAID profunda hela iha tinan 2004.
Ministério da Saúde konsidera katak programa sáude oral nu’udar parte Integral no la haketak an husi saúde isin no anatomia umana em jeral; tamba tuir OMS nia hanoin (tinan 1975), saúde katak kondisaun ida nebe livre husi moras hotu-hotu fisik, Mental, sosial no aspetu ekonomia (Physico-Socio-Ekonomia-politik dan kultur).
Programa Saúde Oral hahu independensia to’o ohin loron kompleta iha sistema Nasional Ministério da Saúde iha nivel fasilidades tomak hodi fó asistensia no atendementu ba komunidades maske iha limitasaun. Profesionais saúde oral hahu identifika daun-daun diagnostiku nebe populasaun husi grupu idades oin-oin hetan hanesan :
Pulpitis Desease 50%, Caries 13%, Gum Desease 12%, Periapikal Desease 12%, Persistensi 9%, Tooth Wear 3%, Mucosal desease 0,8%, no Cyst 0,2% tuir reportajen iha Janeiro-Setembru 2010. Rekursu humanu nebe Governu investe ona iha fasilidades (Hospital Nasional, Hosp. Referral no Centro da Saúde maka hanesan Mediku dentista 7 pesoas, Enferemeiro/a 42 pesoas, no tekniku laboratorio no Saúde Publiku nain 2 pesoas.
Aktividades nebe profesinais saúde oral hala’o iha nivel fasilidades tomak maka iha Klinika Oral 17%, Posku SISCa 58%, Programa Saúde Eskolar “UKGS” 24% no Aktividades Outrech 1%.
Ilustres Konvidadus señoras i señores
Workshop Revisaun Strategia Nasional ba Tinan 2011-2015 loron ohin importante tebes, nune’e husi parte hotu-hotu bele kontribui ideas no hanoin atu melhora diak liutan programa saúde oral nebe dinamuku no sustentabel ba nivel fasilidades tomak iha teritorio.
Ho nova Strategia nebe sei iha nu’udar lalenok no mata dalam ida ba profesionais saúde oral tomak hodi bele fó atendementu nebe iha responsabilidade no nakonu ho kualidade. Tamba ne’e ha’u husu ba profesionais saúde oral tomak atu kaer metin ba Visaun no Misaun no valor profesionais nian nune’e komunidades nebe iha Foho Leten, Dolokuak no sidade tenki hetan atendementu nebe hanesan no kualidade.
Maske ho rekursu humanu, equipamentu dentaria nebe limitado maibe ita tomak tau esperansa no konfiansa tomak nebe nakonu ho Nasionalismu, Profesionalismu e Dedikasaun Humanu sidadaun tomak sei hetan isin diak no saudavel, ita la’o ho neneik maibe beibeik loron ida programa ida ne’e sei promove an sei bo’ot no diak liutan iha futuru. MS01
1 comment:
programa matan mos hanoin atu prepara sira nia Plano estrategiko foun, tamba PS ida uluk too deit 2010
Post a Comment