 |
| foto hamutuk entre Membru Governu ho graduantes estudantes Medisina |
Ministru saude Dr. Nelson Martins husu ba graduadu sira atu labele uza matenek ne’ebé sira iha atu estraga umanidade maibe dedika aan tomak ba servisu Humanitaria ne’ebé la hare ba rasa, Kiak ka riku.
Dr. nelson tatoli lia hirak ne’e ba Jornalista sira iha serimonia graduasaun estudantes Medisina ba primera etapa no hanesan primera ves iha Timor Leste iha Genazio GMT Dili sesta 03/09/2010 nia hatutan depois de remata graduasaun, mediku sira ne’e sei koloka ba distritu ne’ebé mak hanesan ministerio identifika tiha ona hanesan Passabe (Oekusse), Luro Lospalos no Baguia Baucau,
Dr. Nelson Esplika aleinde halo tratamentu ba Komunidade sira tenki halo ligasaun diak ho dosentes sira atu halo nafatin kontinuasaun formasaun professional atu iha tenpu ida, bele sai medisina geral integradu. Realidade hatudu katak Durante Primeru Ministru IV Governu Constitusional halo konsultasaun konaba PEDN ( Planu Estrateziku Dezinvolvimentu Nasional ) haleu Tmor Leste laran Tomak, Iha postu saude barak mak seidauk iha medikus nebe adekuada. Nune’e ba estudante Medisina nain 465 ne’ebé tuir planu sei mai halo estajiu iha ne’e sira, sei haruka hotu ba distritus.
Estudante sira ne’ebé halo graduasaun Mak Colombianos da Silva, Eugenia Soares, Juliana Falin, seleciano Pinto Fernandes, Apolinario de Jesus, Maria dos Santos, Bernadete Maia Pereira, hermenegildo Pereira, Dulce Auxiliadora, Juviana Dias, Ersia Siquira, Migota da Costa, Juliana Fania, Julia Morais, Geovania Reis Corsino, Marvi Lemos no Henriqueta Maia. MS01
1 comment:
parabens
Post a Comment