By. Carinton salazar
fasil ba ema ida atu hateten Ministeriu da Saude servisu la duun diak maibe la fasil ba ema nee atu tuun ba terenu neba atu hare diretamente realidade nebe akontese.
Lesuwata Sub-Distrito Turicai, Distritu Same
Atu hetan asistensia saude komunidade suku lesuwata, sub-distritu Turiskai distritu Same tenki lao durante oras haat nia laran. Kondisaun dalan nebe la duun diak, Motorizada susar atu halo operasaun sataan kareta.
Se utiliza animal (Balada)hanesan kuda diak maibe ba tempu bailoron deit tanba kuandu (wain hira) iha tenpu udan rai namdoras mota boot, taho naruk, kuda mos susar hodi responde ba terenu hanesan ne’e no la halo buat ida.
Maibe komunidade iha parte neba sinte haksolok tanba ful-fulan sira hetan asistensia husi stratejia Ministeriu da saude nian nebe hanaran SISCa ( Servisu integradu da saude komunitaria )
Entretantu xefe CHC Sub-Distritu Turiskai Domingos Tavares ba Jornalista sira iha suku lesuwata hateten aktualmente moras nebe aas iha suku lesuwata mak Ispa, isin katar no malnutrisaun. Tanba hare ba kondisaun jeogarfikamente dook teb-tebes husi Sidade tanba nee populasaun Susar atu hetan hahan nebe diak ho kualidade.
Domingos tavares mos akresenta liutan katak atu hetan asistensia komunidade suku lesuwata tenki lao oras haat nia laran husi Lesuwata ba Turiscai, lesuwata ba Namulesu tenki lao durante oras neen nia laran, husi lesuwata ba suku Liurai tenki lao durante oras haat nia laran, no husi Lesuwata ba fatu makerek tenki lao durante oras tolu nia laran tanba nee susar ba sira hetan asistensia diak iha tenpu badak oin mai Hatan ba kestaun hirak nee Dr. Nelson Martins Ministru da Saude iha ninia servisu fatin servisu Sentrais Caikoli Dili hateten iha area saúde iha buat barak mak seidauk la’o ho di’ak, tuir ita hotu nia hakarak. Ministru MS mos salienta liutan katak Ministeriu da Saude mos sei iha nafatin esperansa hodi hetan orientasaun teknikas iha futuru oin mai, Ministeriu da saude mos sei esforsa aan hodi hadi’a di’ak liutan jestaun manajementu iha nivel servisu administrativa iha area saúde atu nune’e asistensia saúde ba komonidade bele la’o ho susesu tuir ita hotu nia hakarak.Hatan konaba Kondisaun Jeografika, Demografika no Ekonomia ne’ebé sai hanesan potensia bo’ot hodi hamosu problemas Saúde iha komunidades nia let. Responde ba problemas hirak ne’e hotu mak iha tinan fiskal 2010 Distritu IV Governu konstitusional liu husi Ministériu da Saúde ofrese ona orsamentu hodi hari hikas fila fali konstrusaun fisika hanesan Hospital Referal Baucau nebe atu tama ona iha prosesu tenderizasaun no sel-seluktan. Hatan ba prekupasaun matenek nain sira balun ne’ebé hateten katak Ministeriu da saude la hatene ejekuta osan ministru Martins Realsa katak ejekusaun orsamentu geral do estado (2009) iha kapital dezinvolvimentu fijikamente atinje ona kuaje 83 too 86 %. Ba kategoria salariu, bens e servisus, kapital menor, no kapital dezinvolvimento ninian ejekusaun jeral mak milaun $ 22.667573,39 (69 %). Konaba salariu loos deit agora dadaun ejekuta ona 81 %, Bens e servisus 84 %. Kapital menor 28 % no kapital Dezinvolvimento 30 %. Husi kategoria bens e servisus iha defisit balun nebe hodi selu hahan ba moras iha ospital sira, DHS no CHC sira nebe iha internamentu, servisu seguransa, cleaning service , Gerador no osan ba manutensaun kareta. no Ninia ejekusaun jeral mak 91 %. Espesial ba kapital dezinvolvimento too dezenbro ninia orsamentu sei atinje too 90 % la inklui ospital referal Baucau.
IV Governu Konstitusional liu husi Ministériu da saúde mai ho programa prioridade rua maka hanesan ; hasa’e asesu saúde ou lori saúde besik liu tan ba komunidade no hasa’e kualidade servisu saúde. Atu hasa’e asesu no kualidade servisu saúde ba Komunidade Minsitru da Saúde sublinha katak iha pontu tolu maka sai hanesan baze importante ba knaar nain saúde maka hanesan “ Nasionalismu, Professionalismu no dedikasaun Umano”. Iha fatin hanesan Dr. Nelson Martins hateten katak Ministériu da Saúde iha komitmentu bo’ot hodi hakbesik liu tan servisu saúde ba iha Komunidade nia le’et a tu nune’e komunidade bele hetan asesu ba servisu saúde ne’ebé di’ak no mos bele hetan tulun saúde direitamente husi knaar nain saúde sira liu-liu ba programa SISCa ( Servisu Integradu Saúde Comunitaria). SISCa hanesan estratejia Ministériu da saúde ne’ebé importante tebes. “SISCa Hari Hodi Rezolve Problema Rekursus Ne’ebé Kuran” hasa’e asesu no Kualidade Saúde ba Komunidade iha Timor laran tomak.Nune’e Ministru husu ba Funsionariu saúde hanesan ema professional atu servisu besik liu tan ba Komunidade liu-liu ho Lideres lokais sira hanesan xefe Suku no Konselhu Suku nian atu nune’e bele lori saúde ba besik liu tan ba komunidade.
preukupasaun ne’ebé relasiona ho desenvolvimentu Saúde hanesan Preukupasaun ba Rekursus Humanus ne’ebé la sufisiente fasilidade saúde sira, Tranpsote atu suporta knaar nain Saúde nian, Solar panel ba Fasilidades saúde, Meus Komunikasaun hanesan radio SSB Motorola, Uma ba knaar nain Saúde sira nomos buat hotu ne’ebé sai hanesan kompetensia Ministériu da Saúde nian.
Hatan ba Preukupasaun sira ne’e Ministru da Saúde hateten katak konaba dezenvolvimentu saúde nian sira husu ba xefe centru da Saúde nomos knaar nain saúde atu servisu di’ak liu tan no besik liu tan ba Komunidade sira no hamutuk ho Komunidade halo planu nune’e Komunidade bele sente katak Saúde ne’e responsabilidade ema hotu nian, nune’e mos ba limitasaun rekurusus Humanus Ministru da Saúde informa katak iha tinan ida ne’e (2009) Ministériu da saúde loke ona kursu D.III ba parteiras no lisensiatura ba Enfermagem, nune’e Ministru Saúde husu ba inan no Aman iha Distritu iha Distritu hotu atu bele husik sira nian oan ba tuir eskola hodi nune’e bele fila hikas mai servisu iha area ne’ebé refere atu nune’e bele tulun ita nia komunidade sira. Konaba asuntu ne’ebé la’os relasiona ho saúde nian Ministru hateten katak sei toma konsiderasaun nomos sei informa ba Ministériu ne’ebé relevante iha reuniaun konselos Ministrus semana-semana. #pro#
No comments:
Post a Comment