Komisaun Nasional luta hasoru HIV/SIDA (LNHS) servisu hamutuk ho departamentu sistema imformasaun ministeriu saude oras ne'e dadaun deteta ona timor oan hamutuk nain 228 mak hetan moras HIV/AIDS nune'e maioria mai husi feto.
Lia hirak ne'e hato'o husi Rui Carvalho sekretariu Geral KNLHS ba jornalista sira iha salaun delta nova kumoro Tersa 11/10 wainhira hala'o workshop ho tema "INVOLVIMENTU SEITOR PRIVADU LUTA HASORU HIV/AIDS IHA TIMOR LESTE".
Papel KNLHS luta hasoru moras ne'ebé refere mak oinsa fo politika diak ba prevensaun HIV/AIDS ninian, halo monitorizasaun, evaluasaun nomos oinsa halo sosializasaun KNLHS ho parseiru sira hotu inklui mos ministeriu saude konaba moras HIV/AIDS, oinsa hare politika mata dalan ne'ebé iha, Para oinsa mak bele trasa tuir planu estratejia ne'ebé halo ona tenik nia.
Iha parte seluk Carvalho haktuir entre numeru HIV/AIDS sira ne'e barak mak mai husi DIstritu Dili no Distritu Baucau tamba hareba Geografikamente distritu rua ne'e mak ninia numeru populasaun barak liu se kompara ho distritu seluk. Bazeia ba dadus ne'ebé iha distritu kovalima mak sei livre husi moras ne'ebé refere.
Entretantu Carlito correia freitas adjuntu saude komunitaria ministeriu saude ne'ebé mos partisipa iha workshop ne'e iha abertura hateten , apresia tebes ho servisu KNLHS ne'ebé halo esforsu barak hodi kontribui ba luta hasoru moras AIDS. Agora dadaun to'o tinan ona servisu hamutuk ho Ministeriu saude hodi halo kontrola ba areia froteira Indonesia hodi hato'o rekomendasaun, kestoins no sujestoins.
Tuir Agui Belo Ximenes, Direktor ONG FTH nomos actual vise prezidenti KNLHS katak problema HIV la'os deit problema ministeriu saude nian nomos ONG ka sira ne'ebé sofre moras ne'e maibe ida ne'e hanesan problema multi sektoral no presija ita hotu nia atensaun. Atu hapara moras ne'e presija ema hotu nia suporta kolaborasaun.
No comments:
Post a Comment