Wednesday, April 27, 2011

Komemorasaun Loron Mundial Malaria: “Atu hetan tratamentu ba moras Malaria tenke koko uluk Ran”


Maubara, 25 Abril 2011

Diskursu,
S.E Sra. Madalena M.H. Soares
Vice-Ministra Saúde RDTL
Exelensias,
Bainaka distinguidus
Kolega sira hotu no
Inan feton maun-alin sira hotu mak ha’u respeita no hadomi,
Onra boot ida hamutuk ho ita boot sira iha loron importante ida ne’e – Loron Mundial Malaria ba dala Tolu. Hanesan bain-bain kada tinan mundo tomak inklui Timor Leste selebra Loron Mundial Malaria ho objetivu hodi fanu nafatin ema hotu nia konsiensia konaba importansia atu servisu hamutuk hodi kombate moras Malaria iha ita nia rai. Numeru prevalensia moras Malaria iha Timor Leste hahu husi 2006 ho prevalensia hamutuk 220/1000 populasaun. no ate agora iha 2010 ita konsege redus ba 103/1000 populasaun. Kazu Malaria nebe rejistu as liu iha distrito : Covalima, Manatuto, Viqueque, Lautem, Aileu, Manufahi no Dili. Iha parte kontrolasaun Malaria nia mak hala’o ona distribuisaun Musquiteiro ho total : 195.000 ba inan isin rua (30%) no sei kontinua tau musquiteiro iha Centro Saude no mos posto SISCa hodi nune’e inan isin rua sira bele asesu nafatin, ho labarik menus husi tinan 5 (98%) nomos hala’o ona Pulverizasaun iha distrito 3 hanesan: Covalima, Manatuto no Dili (kobre ona 9000 ne signifika atinji ona 100%), hanesan piloto no sei kontinua ba distrito seluk.
Kazu moras malaria nebe a’as liu mak Malaria Falcifarum (76%) no Vivax (24%) iha 2010. No aimoruk tratamento nebe ita uza bazeia ba protokolo mak : Quarteem ba Malaria Falcifarum no Cloroquine no Primaquine ba Malaria Vivax. Tema International nia mak “Progress Achieve and Impact” no nasional mak “Atu Hetan Tratamentu ba Moras Malaria Tenke Koko Uluk Ran”. Tanba ne’e Guvernu liu husi Ministerio da Saude iha papel importante atu hola parte – atu fo garantia katak sei investe maka’as ho tulun no servisu hamutuk ho parseirus sira hotu hodi bele kombate moras Malaria husi ita nia rain.
Obrigada barak !

No comments: