KONDISAUN SAÚDE ORAL TIMOR-LESTE

Daniel da Costa Pinto, L.SP, Chefe Departemento Saúde Oral

Timor-Leste nu’udar   nasaun foun  iha  Rejiaun Sudueste Asiatiku iha tinan 2002 ho ninia soberania rasik hodi bele assegura vitoria libertasaun patria  no independente iha politika, siguransas, justisa, sosio-ekonomia e kultura ho diversidade oin-oin  ba  prosesu desenvolvimentu sustentabel e dinamizasaun.  Maka liu husi estrutura orgânico  I-IV Governu Constitucional  difini  mos  estatuto orgânico do  Ministerio da Saúde.

Wain hira Ministério da Saúde  hamrik ho objetivu ida maka assegura populasaun ba asesu kuidadus saúde primaria, sekundario e tertiario  iha nivel fasilidade saúde liu husi kriasaun  sistema de saúde baseia ba necesidade real e kompatível ho rekursus disponíveis nomos  promove posivel partisipasaun aktiva ba sociedade civil.

Husi objetivu ida ne’e,  Departementu Saúde Oral simplifika ba signifikasaun SAÚDE tuir Organizasaun Mundial Saúde (OMS) versi 1975 katak  kondisaun ida nebe livre husi  moras fisiku, mental, social, aspetu ekonomia e kultura (Physico-socio-ekonomia-politika no kultura).

Hodi responde ba objetivu no signifikasaun saúde ne’ebe iha maka Ministério da Saúde Timor-Leste hahu I-II Legislasaun Guvernasaun stabelese sistema atendementu publiku hodi melhora diak liutan assistensia  maka hanesan Serviços Centrais, servicos personalizados no serviços Distritais. Sistema hirak ne’e maka sei  assegura implementasaun administrativas no jestaun  kuidadus saúde primario no kuidadus saude hospitalares inkluido programa Saúde Oral.

Señor Daniel da Costa Pinto, xefi departementu Saúde Oral informa ba revistas jornal  iha ninia servi fatin Ministério da Saúde Caicoli Dili katak, Wain hira ita koalia kona ba saúde Oral signifika ita koalia kona ba odamatan bo’ot  ou xave importante ida hodi prosesa  aihan to’os no ben sai moleklu (dodok) hodi tolan ba ita nia kabun;  nune’e  mos organ kabun nian fasil kontinua prosesa sai nutriente hodi fornese ba  organ anatomia isin nian sira seluk; la’os ida ne’e deit maibe ninia perioridades sira seluk maka hanesan Instrumentu lori nata aihan, aparensia oin diak/estetika, tulun vocal ou koalia lian diak no los. Saúde Oral ninia funsões integradu  iha anatomia no organ sira seluk hanesan matan hodi hare, tilun hodi rona, ain hodi la’o no  seluk-seluk tan.

Kona ba kondisaun Saúde Oral Timor-Leste em jeral la’o ho diak  e funcionario sira serviços ho orden, masque departementu saúde oral hahu husi nivel nacional, Hospitalares  no to’o servisu distrital sempre hasoru  problemas, desafius no obstaklu oin-oin.  Ita hotu hatene katak departementu Saúde Oral nu’udar departementu foun ho idade 2⁰ aniversario (2008-2010). Ami konsidera katak Ministerio da Saúde hahu haburas sistema  no HARI estrutura hodi melhora diak liutan assistensia nebe  nakonu ho kualidade multidisiplinares Ciências nebe uniku e espiritu professional iha area saúde.  Maibe importante ba entidade  saúde tomak katak perzisa DESENVOLVE no KONSOLIDA hodi fó KUIDADUS saúde ba povu Timor-Leste nebe iha sustentabilidade nia laran em jeral  i espesialmente programa saúde Oral.

Hodi implementa Politika no strategia nebe iha no sai nu’udar kauza/problema iha departementu saúde Oral, maka  ami konsidera  iha  kuluna  importante 4  (ha’at)  hanesan (1)  Rekursu humanu; oras ne’e daun-daun rekursu nebe iha no Governu investe hamutuk 47, kompostu husi 7 mediku dentist no 40 enfermeiros/as dentista hodi responde ba 6 Hospital, 13 Servisu  Distritos, 65 Centro da Saúde  130 postu Saúde inklui aktividade SISCA; proporsionalidade prestasaun mediku hatudu katak  9%  mediku dentita servisu iha Hospital Nacional no Referal, 6%  iha  Centro da Saúde,   15% enfermeiros dentista  servi iha hospital Nacional no referral  23% serviços iha nivel Distrito no 47% servi iha nivel Centro da Saúde. 

(2)  Equipamentus no Instrumentus Saúde Oral la sufiesente iha nivel Hospitalares tantu iha Centro da Saúde.  Prejudika kualidade de assistensia.

(3)   Fasilidade;  no (4) Financiamentu ba programa Nasional no Distritral hodi assegura implementasaun aktividade  no programa Esforsu Saúde Nehan Eskola (UKGS), SISCA no Outreach ba area remotas hodi fo tratamentu ba komunidade la sufiesente. usi kuluna problema  iha leten  fó kbi’it liutan  mai atan ha’u hodi desempenha ha’u nia funsões hodi trasa planu ida ne’ebe integradu, adekuadu no realita ba melhoramentu kualidade atendementu publiku ba  komunidade hodi hetan isin saúdavel.  Asaun konkretas balun nebe departementu hahu estabelese daun-daun maka servisu hamutuk ona ho Institut Ciências da Saúde  hahu  promove kurikulu Diploma II no espera iha tempu besik sei loke eskola dentist nian, ba Equipamentus no Instrumentus S. Excia. DR. Nelson Martins, Ministro da Saúde hahu fó ona orientasaun hodi sosa dental Instrument hodi kompleta rekursu humanu nebe iha ona, kona ba orsamentu Ministério da Saúde  iha tinan oin mai sei ta’u konsiderasaun ba programa saúde nebe la daet (Doesas Não Contagiosas) Saúde Oral, Matan, Idosus, Mental no moras degenerativas sira seluk.

Kona ba kasu ka moras saúde oral durante ne’e hetan no sempre mosu iha Timor-Leste maka hanesan Karies ou nehan kuak 40% iha grupu idade hotu-hotu; Periodontal Desease 24%, Pulpities 53%, facial Infection 2% no oral cancer 1%.

Husi taxa kobertura diagnostiku nebe hatudu esforsu Ministerio da Saúde nian maka  departementu Saúde oral sei fó perioridade  liu ba prevensaun oinsa habelar informasaun, edukasaun no promosaun liu husi sistema nebe iha ona hanesan posku SISCA no UKGS, Aumenta  kapasidade ba enfermeiros no professores hodi fó kuinesmentu basiku kona ba prevensaun no kuidadus saude ibun nehan nebe diak nune’e Anatomia nehan nian la hetan destroesaun husi Mikrobakterio. Esforsu seluk maka hametin liña koordenasaun ho parseiros no liña integradu sira seluk.

Nune’e mos Ministério da Saúde servisu hamutuk ho klinika privada hanesan  klinika Paz, Klinika Carmelita Maubere  nebe hetan koperasaun no tulun husi Mediku dentista  Australia hodi fó assistensia no tratamentu ba komunidade iha area remotas kada fulan ida dala ida iha distritos tomak,

Kona ba konsulta Ro-Ahi Mercy nebe mai los duni  inklui mos mediku no enfermeiro Dental nian, tuir ami nia hare no observasaun iha valor posetivu tamba sira ho sira nia equipamentu nebe mais modernu bele fó tulun no assistensia nebe diak no kompletu ba komunidade nebe durante ne’e hetan problema ho nehan;  aktividade ne’e la’os deit iha Ro-Ahi laran maibe mos hala’o iha Distrito.

Ami nia lia menon ba komunidades tomak katak, wain hira senti iha problema ruma ho saude ibun ka nehan halo favor hakbesik an ba fasilidade nebe besik hodi hetan examinasaun sedu no lalais  hodi hetan tratamentu husi enfermeiro no mediku dentist sira; No wain hira ita bo’ot sira la hetan tratamentu lalais maka  sei preojudika ba organ anatomia humana seluk  MS01