Responde ba preukupasaun situasaun nutrisional iha Timor Leste, Governu, liu husi Ministerio da saude halo nia intervensaun iha 2008 sosa makina ba produsaun suplementaria hahan no hari fabrika Timor Vita iha Railako, hodi responde imidiatamente benefisiario feto no labarik hirak nebe iha kondiasaun disnutrisaun iha 13 distritu no promove edukasaun bazika nutrisaun liu husi sistema servisu saude iha komunidade.
Husi orsamentu do estadu ba fundus bens e servisu operasionais, Ministerio da Saude hetan 2 milhoes ba programa nutrisaun iha tinan ida ne’e. alokasaun husi fundus ne’e, hodi presta servisu nutrisaun iha teritorio tomak no garante nafatin aihan suplementaria ba benefisiario hirak nebe malnutrisaun.
70% husi orsamentu nebe iha Governu fo kontribuisaun ba WFP hodi garante produsaun Timor Vita ba programa suplementaria hahan iha Timor Leste. 30% husi orsamentu koloka ba prestasaun servisu nutrisaun iha Komunidade, fasilidade da Saude, Distritu no Nasional hodi asegura no hadiak dezenpenhu indikadores programa, supervizaun no monitoria, promove eduksaun bazika nutrisaun ba dezenvolvimentu saude feto no labarik iha Teritorio tomak , liu-liu ba distritu hirak nebe prevalensia krekas as.
Atu realiza processu hirakne’e hotu, ohin 6 de Marco de 2012, iha idifisu Ministerio da Saude, S.E . Vice Ministra da Saude RDTL, Madalena F.M. H. C Soares, assina Nota e Intedimentu entre Ministerio da Saude no Programa Alimentasun Mundial (WFP). Kona ba nutrisaun.
Alberto Correia Mendes Director Representante WFP, fo obrigado ba Governo Timor-Leste ba primeiro Kontribuisaun osamentu ba programa suplementaria hahan. Ho kontribusaun ida ne’e WFP no Governo sei kontinua servisu hamutuk nafatin hodi hamenus prevalensia malnutrisaun iha Timor –Leste. Ho fundus nebe iha bele fornese Timor Vita ba beneficiaries hamutuk 63.450 labarik tinan 6-59 mezes , inan isin rua ho inan fo susu.
Politikamente Ministerio nia papel atu promove sedukasaun bazika nutrisaun ba pratika fo hahan nebe diak no apropriadu hahu husi prosedimentu ba dezenvolvimentu fetus no kresimentu labarik. Liu husi sistema servisu asistensia kuidadu primaria, sekundaria. Nutrisaun ne’e problema cross cutting, nebe nia intervensaun ne’e multisetoria.
No comments:
Post a Comment