Sunday, December 18, 2011

PALESTRA REVITALIZASAUN KUIDADUS SAÚDE PRIMARIA IHA TIMOR LESTE


Oekusse 05 Dezembro 2011
Palestra ho ninia tema SISCa ka “Revitalizasaun Kuidadus Saúde primaria iha Timor Leste” hetan partisipasaun masimu husi Knar Nain Saúde sira ne’ebéhala’o knar iha Oekusse, Estudantes, Imfermeirus, Parteiras, professionais Saúde, inklui mos entidades balun simu ho antusiaismu wainhira Prof. Dr. Timor oan ne’e hahu halo palestra

Responsabilidade Moral no Politika IV Governo Konstitusional hodi responde ba nesesidade povu nian iha area Saúde nian mak hanesan agora ita hare dadaun liu husi programa SISCa no Pasta Mutin Prof. Dr. Nelson Martins,MD,MHM,PhD iha abertura hateten “Ita nia rain agora dadaun ita define komponentes ne’en ne’ebé fektivu ba kuidadus Saúde primaria hamutuk ho meja ne’en ne’ebé iha SISCa no deskreve oinsa Timor-Leste dezinvolve implementasaun komprensivu iha sistema kuidadu Saúde primaria, ilustra mos evidensia ne’ebé bele adapta Geografika, Social, no cultural sistema Saúde iha timor leste”, tenik nia.

Livru Revitalizasaun Kudadu Saúde primaria iha Timor leste iha komponentes ne’en ne’ebé difinitivu no livru ne’e hakerek ho lian tetum simples ne’ebé fasil atu kompriende, Ho livru  Revitalizasaun Kuidadus Saúde primaria ne’e mos bele loke entidades hot-hotu nia hanoin. tamba define ona saida mak Servisu Saúde Distrital sira nia dever, Saida mak centru Saúde sira nia servisu, saida mak knar nain Saúde sira bele halo tantu iha Area rurais ka Urbana. No define mos saida mak Xefe suku no Xefe aldeia sira nia responsabilidade. Hodi lori asistensia Saúde besik liu ba komunidade.

SISCa mak estratezia Ministeriu Saúde nian ne’ebé uza hodi responde ba rekursus Umanus ne’ebé kuran, iha sorin seluk mos atu responde ba nesesidades IV Governu konstitusional nian oinsa atu tulun komunidade sira ne’ebé hela iha foho leten, Area rurais, Area remotas no dolok ku’ak atu hetan assistensia hanesan mos iha sidade. SISCa ita bele dehan hanesan odamatan ba komunidade rural atu hetan assistensia. SISCa hakbiit komunidade no  profesionais husi karaik too iha leten ka politika “bottom up”. SISCa mos hanesan linha kordenasaun entre profesionais Saúde ho komunidade.MOH

No comments: