Notisia Semanal Ministériu Saúde RDTL

 

DENGUE

Ministeriu Saude hato’o ba komunidade hotu katak tinan-tinan wainhira tempu udan ema sempre hetan  moras Dengue. Moras dengue  perigu tebes no bele halakon ema nia vida. Tan ne’e Ministeriu saude bolu atensaun ba ita hotu atu prevene moras dengue hanesan:

·         Fase haris fatin semana ida dala rua

·         Taka metin balde ka fatin be’e hemu nian

·         Aruma roda ne’ebé la uza no tau iha fatin ne’ebé udan been la kona

·         Aruma lata ou masa mamuk ne’ebé mak bele halo be’e nalihun tau iha fatin foer ka  ke’e rai hodi hakoi.

·         Fakar sai be’e husi vazu aifunan be’e restu iha zelera ka dispenser.

Bainhira hetan sintomas Hanesan

·         Isin manas makas

·         Mosu pontu ka musan mean iha kulit

·         Muta dala ruma kahur ho ran

·         Ran sai husi inus

·         Dala ruma liur bo’ot ho raan

Lori lalais ba fasilidade Saúde

MALARIA

Nune’e Ministeriu Saúde hato’o mos ba komunidade hotu katak relasiona ho udan monu rai bele fo impaktu ba moras hanesan Malaria, tan ne’e husi Ministeriu Saúde fo atensaun ba ita hotu atu:

·         Hamos be’e dalan labele husik be’e nalihun.

·         Hamos foer iha uma ninin no soe ba iha fatin ne’ebé mak prepara ona

·         Wainhira toba tengke uza mosquiteriu

·         Uza aimoruk susuk nian.

Wainhira iha sintomas hanesan isin manas be doko, laran sae no muta, ulun moras, isin  toos ou konvulzaun lori lalais ba fasilidade Saúde hodi hetan tratamentu.

DIAREIA

Ikus liu Ministeriu Saúde hato’o mos ba komunidade hotu katak relasiona ho udan Monu Rai bele halo mos impaktu ba moras liliu hanesan moras Diarea ou Kabun moras

tan ne’e husu ba Comunidade hotu atu prevene diareia liu husi hahalok hirak hanesan tuir mai ne’e;

·         Tenke fase liman usa Sabaun bainhira prepara hahan, wainhira hamos bebe nia  foer no wainhira depois de sintina

·         Hamos foer iha uma ninin ka be dalan

·         Hemu be’e tasak ne’ebé nono to’o nakali

·         Tenke uza sintina bainhira liur kik no bot

·         Fase halo mos modo tahan, naan no  aifuan molok atu han ka atu tein

·         Rai aihan ne’ebé tasak iha armari ka taka metin keta husik lalar tur ba iha leten

Wainhira liur ben liu dala tolu ka dala Haat  iha oras ida nia laran Lori lalais ba fasilidade Saúde hodi hetan Tratamentu

Ba ita bo’ot sira nia atensaun ami hato’o obrigado wa’in. “ITA NIA SAUDE IHA ITA NIA LIMAN RASIK” MS01