Timor-Leste nudar palku ba Komité Rejionál Organizasaun Mundiál Saúde ba Rejiaun Sudeste Aziátiku (WHO-SEARO) nia Sesaun ba da-68, ne’ebé marka prezensa husi Ministru Saúde Bangladexe, Butaun, Repúblika Populár Demokrátika Koreia, Indonézia, Maldivas, Nepál no Srilanka nian, mós Reprezentante sira husi Ministru Saúde Índia, Myanmar no Tailándia nian, Reprezentante sira husi Diretora-Jerál husi WHO nian ne’ebé mai husi Sede Prinsipál iha Jenebra, Suísa no Diretora Rejionál WHO-SEARO nian.
Eventu ne’e konta ho partisipasaun besik delegadu 200 ne’ebé mai husi Estadu Membru sira husi WHO-SEARO nian.
Serimónia Inaugurál ne’ebé prezide husi Sua Exa. Primeiru-Ministru, Dr. Rui Maria de Araújo, hala’o horseik, loron 7 fulan Setembru 2015, iha Sentru Konvensaun Díli (CCD) husi tuku 9 to’o tuku 12.30 dader.
Sesaun Servisu nian ba dahuluk, hahú iha tuku 1.30 to’o tuku 5.00 lorokraik, loron 7 fulan Setembru 2015, iha Salaun Nobre Ministériu Negósiu Estranjeiru no Kooperasaun (MNEC), ne’ebé lidera husi Sua Exa. Ministra Saúde, Dra. Maria do Céu Sarmento Pina da Costa.
Sesaun sira seluk sei hala’o iha MNEC, husi loron 8 to’o loron 11 fulan Setembru 2015
Timor-Leste maka sai hanesan uma na’in iha sorumutuk Nível-Aas ne’e, ba dala uluk, no husi sorumutuk ne’e maka sei hamosu kompromisu prioritáriu hirak ne’ebé foun kona-ba Polítika Saúde nian ba rejiaun. -
No comments:
Post a Comment