Mediku Foun Tuir Lolos Prense Iha Centru Saude Sira Nebe Kuran

Dili MoH, Tuir lolos Hospital Nasional Guido Valadares (HNGV) la presiza ona mediku foun, maibé tanba nesesidade obriga maka ospital ne’e tenki simu.

“karik balun ne’ebé maka tama ulu ia n’e tanba nesesidade obriga mak sira tenki mai iha ne’e, maibé sira nia papel lolos ne’e sira labele tama iha ne’e,“ Hatete Diretora Jeral HNGV, Odete da Silva, ba Jornalista iha HNGV (26/06).
Nia hateten, tuir lolos ne’e, knar importante ne’ebé maka oinsa atu prense iha sentru saúde sira iha area rurais no distritu sira, n’ee duni bga sira ne’ebé atu prense iha Hospital depende ba alternativa tanba Ospital refere konsidera Hospital spesializadu.

Maski director Jeral HNGV ne’e rekoñese katak rekursu umanus liliu mediku sira sei limitadu, maibé lasignifika atu impede atividade HNGV, liliu fo asistensia ba moras sira. Tanba ne’e nia husu karik iha mediku ruma mak harakak prense iha HNGV tenki mediku ne’ebé iha komitmentu di’ak no tenki banati tuir regulamentu ne’ebé iha.

Iha fatin seluk, mediku timoroan ida ne’ebé lakohi temi naran iha Jornal ne’e, lamenta ho statement husi diretora HNGV ne’e, tuir nia, tanba pasiente sira ne’ebé baixa iha HNGV presiza hetan tulun husi mediku timoroan sira.

Tanba ne’e, nia husi governu liuhusi Ministériu kompetente atu toma medida hodi fo atensaun ba statement ne’e no presiza atu fo esklaresementu no esplikasaun profundu, tanba iha HNGV moras barak mak sempre tama no presiz atu hetan tratamentu diak husi ema timoroan sira.

“ami sente triste tebes ho statement ita nia diretora jeral HNGV, maibé ami mos hakarak husu esklaresementu profundu, tanba saida ma kami labele prense iha fatin ne’eba” lamenta nia.

Tuir nia sira hanesan mediku timoroan pronto atu fo asistensia ba ema timoroan sira, no sira pronto atu hala’o knar iha fatin ne’ebé de’it tuir esprensia ne’ebé sira iha.

• 
  

MS Hametin Koperasaun Kontinuasaun Ho Governu Chinesa

22 Junho 2012, Governu Timor Leste liuhusi Ministério da Saúde asina nota intendementu ho Governu China liuhusi
Embaxada China iha Timor-Leste Vise Ministra Saúde, Madelena Hanjam ba Jornalista hatete nota intentementu ida ne’e halo ho nasaun sira ne’ebé mak ajuda governu timor leste.
Entaun China iha ajuda ba Ministério Saúde (MS) hodi haruka doutor espesilidade neen (6), ne’ebé ajuda iha tratamentu ba iha moras Koracao, Kancer, Ruin, Rins, Orthopedic no moras sira ne’ebé defisil  no sira mai kedas ho aimoruk ne’ebé ho tim kompletu, ho ida iha tinan rua-rua  ita renova nota intendementu. Hatete Vise Ministra Saúde, iha salaun MS Kaikoli Dili.

Governu Timor Leste liuhusi Ministério Saúde kria kondisaun diak ba doutor espesialista chinesa sira nee maibe ita la selu sira nia doutor, sira nia doutor sira mak seluk rasik ne’e duni tinan rua-rua ita renova MoU ida ne’e para serbisu ida ne’e hala’o nafatin.

Iha atividade ida ne’e partisipa GIFA, Diretores no Xefi Departamentu husi diresaun. MeuMoH

• 
  

Reuniaun Konsellu Nasional Saude Ba Dala Ikus

Nelson “reuniaun ida nee hanesan mos reuniaun ida nebe aas tebes tamba ho reuniaun ida nee mak bele foti desijaun.

18 Junho 2012, Reuniaun Konsellu Nasional Saude Ba Dala Ikus iha IV Governu Konstitusional nia mahon nee hetan partisipasaun Masimu husi Ministru Saude Prof. Dr. Nelson Martins,Direktores Nasionais, Direktores Ospitais, Direktores Servisu Saude Distrital, inklui mos staff ministeriu balun no Media.

Ministru saude iha ninia intervensaun hateten; Reuniaun konsellu nasional de saude, Normalmente tinan ida halo dala rua, reuniaun ida nee hanesan mos reuniaun ida nebe aas tebes tamba ho reuniaun ida nee mak bele foti desijaun konjunta. Iha Agenda lima mak prepara hodi halo diskusaun, Agenda Primeru avaliasaun konaba servisu pakote baziku iha Centru saude, Postu Saude, Ospitais sira nomos foti desijaun atu komesa ona halo servisu bazeia ba planu estratejiku seitor saude 2011-2030.

Sorin seluk Nelson Realsa katak iha reuniaun ida nee atu rona mos Direktores Ospitais sira nia preparasaun atu tau mediku ida iha suku ida. Aleinde nee ami mos deskute atu oinsa tau mediku sira nee iha suku neba, Prepara sira nia akomodasaun nomos aspetus barak nebe bele apoiu ba mediku sira nee hodi nunee sira bele halo servisu ho didiak.

Assuntu seluk nebe deskute mak oinsa atu uja ona rejistu saude familiar iha kada suku atu bele kalkula Indikador targetu ba seitor saude. Aleinde nee ami mos halo deskute konaba prepara komisaun implementasaun ba estrategia saude ba tinan rua nulu nian. Nunee ikus liu ami mos deskute konaba preparasaun ba OGE par abele fasilita ba V Governu konstitusional nebe mai karik bele iha ona Planu Orsamentu nebe preparadu.