24 Novembru 2011, Ministru Saúde Prof.Dr. Nelson Martins, MD,MHM,PhD halao inkontru ho Embasador Cuba iha Timor Leste hodi deskute konaba assuntu Saúde, Brigada medikus Timor leste no sel-seluktan.Inkontru ne’ebé halao durante Oras ida ho balun iha salaun ministeriu Saúde ne’e hetan partisipasaun masimu husi staff Embasada Cuba, Kordenador Geral Medikus Kubanu iha Timor Leste, Media no sel-seluktan.
Embasador Cuba iha ninia intervensaun hateten, koperasaun entre Governu rua (Cuba ho Timor Leste) lao diak no kapas teb-tebes,” hau mai iha Timor Leste atu kontinua haforsa no hadi’a diak liutan koperasaun ne’e ba oin, Tenik nia”. Agradese mos tamba sr Ministru bele haraik tempu ida ne’e baa mi hodi espresa Ami nia hanoin.
Iha okaziaun ne’e embasador imforma situasaun estudantes no kondisaun atual ne’ebé agora dadaun brigade medikus Cubano sira imfrenta iha terenu neba mak hanesan; prepara kondisaun diak ba estudante sira ne’ebé agora dadaun finalize ona sira nia estudus, Rekursus materiais ba brigade medikus cubanos ne’ebé hetan difikulidade iha Ospital Baucau no susar ba sira atu halo sira nia aktividade normal, loron hirak liuba grupu deskunhesidu tuda uma dra. Cubana nian iha Lospalos no insulta ho liafuan aat, Eletrisidade ba uma dotor cubanu sira iha Ospital Suai fo de’it Oras tolu lor-loron na realidade fatin seluk lakan 24 Oras nune’e estraga hahan no ekipamentus elektronikus balun.
Embassador ne’e mos realsa liutan katak; Dezembru tinan ne’e Governu Cuba sei apoiu taan Governu Timor Leste liu husi ninia knar nain Saúde sanulu resin rua ne’ebé sei mai taan haforsa sistema servisu iha Timor Leste.
Hafoin rona tiha difikulidades no esplikasaun badak Naruk husi Embasador Cuba ba Timor Leste, Ministru Saúde IV Governu Konstitusional iha ninia intervensaun hateten; konaba kontratu ba Medikus foun sira agora dadaun iha hela prosesu laran, uluk Ministeriu mak halo duni kontratu diretamente ba profesionais Saúde sira maibe agora dadaun sistema muda. Sira sei servisu hanesan funsionariu Publiku tamba ne’e sira sei tama iha Funsaun Publika nia okos mak kuandu sira assina ona sira nia kontratu mak ministeriu gere fali tau iha fatin sira ne’ebé sai hanesan prioridade. “Sistema mak hanesan ne’e ona no hau rasik apelu tiha ona ba Direktor Rekursus Umanus iha Altura Juramentu Hipoktratiku, nightingale iha salaun CNE 19 Novembru 2011 liuba.
Professora Doutor husi universidade Sydney Medical School ne’e mos akresenta katak , nia koalia tiha ona ho dekanu fakulidade ciensia Saúde UNTL Dr. Joao Martin atu prepara lalais memorandum ida hodi Medikus sir abele tuir mediku Geral Integradu.
Situasaun mak hanesan ne’e ona agora dadaun Ministeriu Saúde hasoru problema oi-oin, maibe Ministeriu sempre koko atu servisu diak liutan iha future. Agora dadaun ministeriu Saúde hetan iha ona osan liu-liu ba OGE 2012 fiar katak sei meilhora servisu diak liutan iha loron aban. Konaba seguransa ba Dotores Cubano sira ne’ebé la duun seguru sei buka meus atu koalia diretamente ho Sekretaria Estadu seguransa konaba assuntu ne’e.
Hafoin remata Professor Dr. Nelson Martins, MD,MHM,PhD entrega Livru sintifiku ho lian tetum “Revitalizasaun Kuidadu Saúde Primaria iha Timor Leste” hanesan lembransa. MOH
No comments:
Post a Comment