Coutesy Call Visit

Ministru Saude Courtesy Call ho Sra. Hongwe Gao

REPREZENTANTE UNICEF BA TIMOR LESTE, SRA. HONGWEI GAO APREZENTA KARTA KREDENCIAL BA DR. NELSON MARTINS, MD,MHM,PhD,
20 DE SETEMBRO DE 2011

Courtesy Call ho Sra. Hongwe Gao, Reprezentante UNICEF nian iha timor leste, Nia  rasik  kongratula oin sa Ministériu Saúde ne’ebé lidera husi DR. Nelson Martins, MD,MHM,Phd hatudu progressu ne’ebé avansadu ho diak.

Maski iha área Nutrisaun preciza esforsa aan maibe iha indikadores seluk hanesan Númeru mortalidade labarik tinan <5 , número fertilidade  ne’ebé hatun dadaun ida ne’e sai hanesan pasu ne’ebé ba oin. Representante UNICEF foun ne’ebé nia Nasionalidade Chineza hato’o mos agradecementu tan Ministériu Saúde ho nia suporta tomak bele hala’o servisu no koordensaun ne’ebé diak durante tinan hirak nia laran no hein katak bele hametin liu tan servisu hamutuk ida ne’e iha future.
Iha opurtunidade hanesan Sra. HONGWEI GAO Representante UNICEF hato’o mos katak nia halo ona visita ba Ministériu Edukasaun tamba Ministériu rua ne’e importante ba Agencia refere.

Iha Parte seluk Ministru Saúde Dr. Nelson Martins, mós agradese tamba UNICEF prontu atu suporta i nune’e mos hato’o katak Ministériu Saúde liu husi DPM bele halo nafatin kolaborasaun no koordenasaun ne’ebé diak atu bele gere rekursus Ministériu Saúde nian hamutuk ho UN Agencias, NGO sira, no mos doadores sira nian, liu husi konseitu Planu ida orsamentu ida no mos channel ida. Representante UNICEF ne’ebé primeira vez feto iha Agencia refere iha Timor Leste apresia tebes ho informasaun husi SE Ministru Saúde RDTL nian.

Iha loron hanesan DR. Nelson Martins, MD, MHM, PhD, Ministru Saúde RDTL simu mos bainaka husi DIGICEL Sr. Tiago Guerra, Chief Executive Officer, hodi koalia kona ba Informasaun Komunikasaun Saúde iha Ministériu Saúde. Tanba encontro ida ne’e hanesan primeiro enkontro, tan ne’e ema importante nain rua ne’e hahu fahe informasaun kona ba projetu no program DIGICEL ne’ebé karik sei bele harii nia baze iha Timor Leste hodi halo kompetisaun ne’ebé trasnparente ho Timor Telekom hodi fo asesu Infomasaun no komunikasaun ba Timor Leste.

Planu Ministériu Saúde nian maka hein katak DIGICEL bele apoia Planu Estratégiku Nasional Ministériu Saúde ba tinan rua nulu hodi fo asesu infomasaun liu husi internet ba Postu Saúde, Centru Saúde tomak iha rai laran atu bele hametin diak liu tan Ministériu nia sistema surveillance, la ses mos husi fasilita asesu ba sistema Medical Record ne’ebé apropriadu. 

Atu hahu servisu ida ne’e Ministru Saúde Nelson Martins, MD, MHM Phd, husu atu hahu uluk iha Hospital National Guido Valadares.

Husi: Cooperação e Gestão Fundos Externos MS