123 Kazu Sarampu Akontese Iha Distritu Dili

“CNCM-SURTU (Komisaun Nasional Kontrola Moras surtu ka Outbreak) preparadu luta hasoru moras ne’e.
28 Abril 2011
Dili Saude-semanal
Moras sarampu mak hanesan moras ne’ebé fasil, Da’et husi ema ida ba ema seluk ka doensas kontaziozas. Moras ne’ebé refere ho lian idonesia nian dehan Campak ne’ebé ba bebe idade fulan sia sempre hetan iha Postu SISCa, Postu Saude ka SISCa ne’ebé besik iha komunidade. Maibe realidade hatudu oinseluk agora dadaun iha komunidade nia le’et liu-liu iha parte Don Alexo Cortereal Comoro no fatin balun iha Dili laran akontese surtu ne’e iha semana ida liuba.
Ho hanoin hirak ne’e Ministerio da saude liu husi Komisaun Nasional ba Kontrola moras Surtu hahu halao hikas ninia knar ne’ebé lidera diretamente husi Prezidente Komisaun nian mak Dr. Nelson Martins, MD,MHM,PhD. Hamutuk ho sub-komisaun CNCM-SURTU, Mak hanesan Direktora Saude Komunitaria, Reprezentante ka peritus husi WHO organizasaun Saude Mundial, Adjuntu no Xefe Promosaun Saude komunitaria Ministerio da saude RDTL, Xefe Ambiental, Surveilance ministerio da saude, Farmasia, Ospital Nasional Guido Valadares, Laboratoriu Nasional, Protokolu no Komuniksaun Social Ministerio da saude RDTL.
Bazeia ba dadus ne’ebé hetan husi Gabinete SIS-VE (Sistema informasaun Ministerio da Saude )katak komesa husi dia 27-28 Abril 2011 akontese Moras Surtu iha Timor Leste, Identifika moras Sarampu iha Distritu Dili (centru Saude Comoro no centru Saude Bairopite) relata moras sarampu hamutuk 12 Kazus, husi total hirak ne’e 82 % identifika afeta grupu idade tinan lima mai kraik. Iha parte seluk akontese mos ida distritu Ermera relata Kazus hamutuk, 7 mayoria relata husi centru saude Atsabe, 57 % kazus konsentra iha grupu idade tinan liman mai kraik.
Husi total kazus ne’ebé ministerio da saude hetan mayoria akontese ba labarik ho idade fulan ne’en (6) too tinan 14. Mesmu imformasaun konaba estatus imunizasaun la konsege akumula kompletamente maibe minimu imformasaun ne’ebé halibur iha numeru ne’ebé signifikante akontese ba labarik sira ne’ebé la hetan imunizasaun Kompleta.
Aktividade investigasaun no foti sampel iha Dili laran kontinua lao hanesan bai-bain no agora dadaun ekipa mos konsentra iha ermera, No relata kazus kuaze lor-loron.
Iha posibilidade akontese aumenta iha seman hirak oin mai tanba kazu sarampu ne’e akontese ba idade mayoria entre 5-14. Situasaun distritu dili ho ermera la iha diferensia tanba husi loron ba loron kontinua aumenta.
Asaun ne’ebé ministerio da saude foti liu husi komunisaun Nasional Kontrola Moras Surtu ka Outbreak mak:
mantein Vigilansia moras sarampu, atu garante kazu sarampu hotu relata pontual tuir hirarkia servisu saude nian, Kontinua servisu ho Sub-Komisaun sira atu elabora investigasaun no foti sampel ran liu-liu iha fatin sira ne’ebé relata kazu sarampu hanesan ermera ho Distritu Dili, hasae konhesementu staff ba jestaun kliniku moras sarampu hodi prevene kondisoens grave ne’ebé impaktu ba mortalidade, Fornese imformasaun ne’ebé nesesaria ba komunidade liu husi promosaun saude Media hotu ne’ebé iha rai laran hodi alert aba komunidade sira no liu-liu mak sira ne’ebé afektadu moras ne’ebé refere (sarampu), organizasa aktividade, Imunizasaun no distiribusaun Vitamina “A” ba labarik ne’ebé ida menus husi tinan lima mai kraik.
CNCM-SURTU kontinua kordena preparative planu ne’ebé komprensivu ba intervensaun Sustentavel MS001