Saude-semanal
Observasaun Saúde-semanal ministerio da Saúde RDTL nota katak Difikulidades no prekupasoins hotu ne’ebé komunidade Alas no Fatuberlihu, espesialmente Distritu Same kestiona ba Ministru Saúde ne’e la’os akontese deit iha fatin ne’ebá maibe kuaze iha fatin hot-hotu iha teritoriu laran tomak. Dezafius sira ne’ebé agora dadaun knar na’in sira atravesa iha fatin ne’ebá akontese tanba seidauk iha planu ida ne’ebé seguru no di’ak no falta kapasidade iha jestaun no adminitrasaun no sorin seluk bele mos akontese iha Finansas.
Stock-out aimoruk, Problema rezistu Saúde maternu infantil, inklui mos TBC, Malaria no Logistik akontese tanba pesoal Saúde sira seidauk iha planu ne’ebé di’ak, Presija tebes knar na’in Saúde sira atu hetan kapasitasaun. Husi treinamentu oin-oin mak bele muda ema nia vida servisu nian. Iha termus profisional sira iha kapasidade no iha kbiit espiritu servidor ne’ebé forte teb-tebes (Tidak Di Ragukan Lagi), Tanba hare husi realidade katak iha fatin balun ne’ebé dook husi CHC no DHS maibe sira konsege hakat to’o iha komunidade nia leet mesmu tenki hasoru dezafius oin-oin, Dook, Hamlaha, Hamrook, no sel-seluktan ne’ebé kadaves halo ita hanesan ema kriatura normal nia mentalidade bele muda maibe sira fiar aan no sira pronto nafatin atu servi komunidade rurais.
Hafoin remata aktividade Offisial ministru Saúde nian iha Fatuberlihu no Alas, Ministru Saúde aproveita tempu oituan halo mos vizita ba uma tohar wedauberek, Alas, Manufahi.
Anselmo hanesan ema ida ne’ebé durante ne’e saran nia aan hodi kura pasientes tohar hanesan iha Ain, Liman, Kakorok inklui mos moras sira ne’ebé iha relasaun ho ruin nian Ho meus tradisionais. Iha oportunidade ne’e Anselmo ne’ebé fo ona tratamentu barak ba komunidade no hetan rejultadu di’ak informa ba ministru Saúde katak problema ne’ebé agora dadaun sira infrenta mak kondisaun uma atu simu pasiente atu hodi halo tratamentu.
Hatan ba difikulidades ne’e Dr. Nelson Martins hateten bazeia ba Diploma ministrial nian fo mos atensaun ba aimoruk tradisional tanba ne’e Xefe iha Saúde Distritu no CHC tenki buka dalan hodi rejolve “ lei fo ona dalan ba Saúde distritu sira katak sira mos bele deside prioridades inklui aimoruk tradisionais sira. No sira iha kompetensia rasik atu deside, nune’e agora dadaun CHC alas mos bele servisu hamutuk no propoint orsamentu hodi nune’e bele hare hamutuk moras sira ne’ebé hanesan tohar bele apoia.”tenik Nelson Martins.
Sorin seluk waihira Saúde-semanal tenta dadalia ho director Saúde distritu manufahi Alberto Martins salienta katak “durante ne’e ami iha koperasaun di’ak ho uma tohar ne’e maibe konaba hadia uma nian ami sei hare lai ba orsamentu ne’ebé iha”. Konfesa Alberto Martins.
Aleinde ne’e ministru Saúde sinte interesadu ba fatin ne’e tanba pasientes ne’ebé ruin tohar la’os mai husi deit fatin ne’e maibe kuaze iha distritu sanulu resin tolu ne’ebé agora dadaun halo hela tratamentu intensive MS001
2 comments:
Obrigado barak ba Ministro Saude, ita bot bele hit an ba iha uma tohar, durante ne'e ami hein hela apoio husi governo atu reforca tan uma ain tohar. Husi ami nia observasaun hatudu katak engeral povo barak mak ba halo tratamento tradicional iha fatin nebe refere.
Ministro keta haluha tau matan hela ba fatin ida ne.
Servisu nebe Anselmo halo nee hanesan parte ida husi "Dedikasaun ba Umanu" Asaun ketak-ketak maibe nia rejultadu ida deit hakrak ema hotu hetan isin diak. hehehe...Anselmo Maromak nia subrinhu Karik halo tratamentu Gratuita. Avo Lafaek hanoin Anselmo Agora dadaun hein hela dewi fortuna bainhira mak vizita nia horik fatin.. maibe avo lafaek fiar durante halo monitorizasaun ba Ministru Saude Dr. Nelson nota katak Ministru Saude nee ema nebe la halimar ho ninia esteimentu nunee husu ba Anselmo lalika hanoin barak la kleurtan Dewi fortuna ba vizita ona imi sa.....OK. sai lideransa presija ema nebe ispertu hanesan nee duni Long Live Dr. Nelson.. AVo Lafaek. chaoo..!
Post a Comment