MS hein Desizaun husi Komisaun Funsaun publika
Ejijensia nebe hatoo husi AETL ( asosiasaun Imfermeiru Timor leste) katak iha tinan 2011 tenki implementa rejime de kareira especial ba profesionais saude “oras nee hau seidauk hetan karta husi Komisaun funsaun publika tenik Dr. Nelson Martins iha uma fukun parlamentu nasional kuarta 12 de Janeiru 2011.
Rejime kareira professional hanesan subsidiu ba mediku, imfermeirus, parteiras, no sel-selutan hodi nunee sira bele fo asistensia diak ba komunidade.
Dr. Nelson haktuir ejijensias nebe AETL hatoo nee laos problema ema ida rua nian deit maibe ba professional saude tomak nebe fo ona sira kontribuisaun diak ba nasaun ida nee.
Draft husi Direktor Geral no rekursus Umanus Ministerio da saude hatoo tiha ona ba KFP no agora dadaun ita hot-hotu hein hela desizaun final husi KFP, sorin seluk rejolusaun nebe refere sei iha Prezidente KFP nia liman sei hatoo ba parlamentu nasional hodi halo diskusaun maibe ita sei hein took desizaun ikus husi Parlamentu Nasional.
Atu esplika klean liutan katak agora dadaun Ministerio da saude liu husi Dr. Nelson Martins hein nafatin karta legal husi KFP konaba assuntu nebe refere.
Dr. Nelson hatutan rejime kareira especial ami halo tiha ona diskusaun dala tolu iha konsellu Ministru maibe ita tenki hetan klires husi KFP.
Ministru saude Dr. Nelson Martins apela ba profesionais saude sira hotu nebe namkari iha timor laran tomak katak, ita hotu iha direitu atu halo protesta maibe ita tenki kumpri ita nia dever katak tenki protesta ho ulun malirin lalika halo mogok problema nebe refere agora dadaun iha ona funsaun publika nia liman.MS001
No comments:
Post a Comment