KONDEMAL

Kinta Feira, 28 Outubru

Dili,Saude-Semanal; Ministeriu saude iha kometmentu bo’ot atu redus moras ne’ebé mosu iha tempu udan. Kinta Feira, 28 Outubru 2010. S.Execia. Ministru Saúde RDTL Dr. Nelson Martins, MD,MHM, PhD. Hala’o enkontru emergencia ho ekipa KONDEMAL (Komisaun Nasional Kontrola no Responde Malaria no Dengue)hodi hare kona ba kazu urgente ne’ebé akontese iha Nasaun doben ida ne’e. marka prezensa iha ekontru ne’e mak Membrus husi KONDEMAL ne’e rasik, Direktor Nasional Saúde Komunitaria Ministeriu Saúde,Medikus, no profesionais Saude Balun.

KONDEMAL mak Komisaun Nasional ida ne’ebé hare kona ba akontesementu extraordinaria ka Out-break nebe akontese iha tenpu udan. Ekipa Kodemal rasik desde inisiu lidera dereitamente husi S.Execia. Ministro da Saúde ne’ebé mak sai nudar Presedente, Iha ekipa ne’e laran involve mos rekursus hanesan Medikus, Saúde Publika, Enfremeirus, Tekniku no professional saude balun. Ekipa ida ne’e funsiona iha Fevereiru 2010 to’o agora. Ekipa kondemal fahe ba Sub-Komisaun ne’en (6) mak hanesan;

·         Sub-Komisaun Manajementu Klinika Nasional

·         Sub-Komisaun Laboratorium no Banko de Sangue

·         Sub-Komisaun Supply Aimoruk

·         Sub-Komisaun Surveillance

·         Sub-Komisaun Kontrolu Vector

·         Sub-Komisaun Media Komunikasaun Social

Sub-Komisaun 6 ne’e mak servisu hamutuk hodi  funu hasoru moras hanesan Malaria, Dengue no seluk tan. Ekipa Kondemal liu husi Sub-Komisaun Surveillance konsege hala’o servisu ho diak, Hodi kria komunikasaun ho Distrito iha Teretorio Timor laran tomak hodi deskobre numeru dengue no Malaria. Agora dadaun ekipa KONDEMAL identifika ona kazus balun nebe deskonfia hanesan kazu extraordinaria. Nune’e Ekipa Kondemal husu ba povu iha Timor Laran tomak atu kuidadu ita nia saude liu-liu hamos uma sor-sorin no halo limpeja ba ita nia ambiente hodi nune’e bele hadok moras sira nebe bele hadaet husi Susuk hanesan Dengue, Malaria no sel-seluktan.

ekipa Kondemal sei foti asaun seriu ba kazu extraordinaria nebe mosu iha tenpu udan. Liu husi servisu konjunta entre Ministeriu Saúde liu husi Saúde Distrito, Ho autoridades local hodi hatun no halakon moras ne’e liu husi atendementu hanesan Fogin (Rega susuk), Abatisasi no intervensaun seluk mak hanesan liu husi atendementu SISCA ne’ebé hato’o husi  Meja  4.

Ikus liu Prezidente KONDEMAL Dr. Nelson Martins” ba jornalista sira hateten ekipa KONDEMAL agora dadaun preparadu no prontu fo Assistensia ba ita nia povu doben ida ne’e, iha kualker oras. Nune’e akresenta liutan katak Ministerio saúde hamutuk ho entidades tomak liu husi Ekipa Kondemal prontu funu hasoru moras Malaria no Dengue. MS01